اليوم رح نقدملكم خبز ليبي مع شاورما تركية
بالنسبة للعجينة :حطي فرينة و 3 ملاعق حليب مجفف و مغرف سكر و مغرف خمارة تع الخبز .ملح و لميها بالماء الدافئ و خليها تخمر
بعدما تخمر حليها على طاولة مرشوشة بالفرينة و نقطع دوائر بالكاس او البول تع الشربة و زيدي خليها تخمر مليح
بعدما خمرت نقلب الكسكاس و نخليه يسخن على نار هادية و نبدا نطيب في الخبز نتاعنا غير يطيب نقلب للجهة الثانية
بالنسبة للشاورما:طيبي الجاج امبعد فتيه قطع صغيرة زائد بصلة مبشورة و 6 فصوص ثوم مرحية ،خل،عصير ليمون قرفة و ملح و فلفل اكحل و كمون و حمريها شوية في الفرن مع التقليب المستمر
بعدها حلي الخبز يجي فارغ من الداخل و خفبف ديري ورقة سلطة و شورما وبالتاكيد صوص الثوم اللي تعطيتها ذورق رائع و نقدمها